Pushime – Është shumë e rëndësishme që edhe gjatë ditëve në plazh të keni një pamje të bukur dhe të kuruar. Mjafton t’i shkoni deri në fund artikullit në fjalë për të pasur lëkurë, flokë dhe një truk të bukur
Pjesa më e madhe e njerëzve bën gjithçka për të pasur gjithmonë një pamje të mirë, sigurisht edhe gjatë ditëve të pushimeve. Është e rëndësishme që të mos lini pas dore rutinën tuaj të bukurisë, sidomos nëse bëhet fjalë për pushime speciale. Ja atëherë disa këshilla të dobishme për të eliminuar problemin e djersitjes dhe për të bërë një make-up të përshtatshëm për në plazh.
Para së gjithash ndalemi te kremi pudër. Aplikoni një të lehtë, pa vaj, e cila nuk i bllokon poret dhe që i lejon lëkurës të marrë frymë.
Kremi BB dhe CC e bëjnë këtë detyrë deri në perfeksion dhe për më tepër ju mbrojnë nga veprimi i dëmshëm i rrezeve ultravioletë falë faktorit të tyre diellor të integruar.
Mundohuni që ta evitoni sa më shumë rimelin, pasi dielli dhe uji ka shumë gjasa ta prishë atë, duke e bërë fytyrën tuaj të mos duket mirë. Po kështu, për t’u shmangur janë edhe buzëkuqet e rënda, mat e me ngjyra të ndezura, sepse ato janë më të përshtatshme gjatë dimrit.
Më mirë përdorni një shkëlqyes buzësh të lehtë, mundësisht të pasur edhe me efekt hidratues dhe zbutës. Në këtë mënyrë, buzët tuaja do të duken natyralisht të bukura.
Ndërkohë, nëse nuk ia dilni dot vërtet pa make-up mbi sy, besojini një rimeli që është llogaritur për t’i rezistuar ujit e që gjithashtu nuk e humbet ngjyrën përgjatë gjithë kohës së ekspozimit në diell. Gjithsesi, mos e ekzagjeroni!
Nëse pas relaksit të mëngjesit poshtë çadrës keni në program një festë në plazh, atëherë mund të bëni ndonjë përjashtim: aplikoni një krem pudër në të gjithë sipërfaqen e fytyrës, duke përfshirë edhe qepallat, më pas kaloni te mollëzat për t’i theksuar me ruzh me ngjyrë të bronztë. Buzët mund t’i lyeni me një shkëlqyes me ngjyrë të ëmbël. E leverdishme për ju do të ishte sikur të gjithë makiazhit në fytyrë t’i hidhnit një solucion në formën e sprajtit, për të mos e prishur.
Pas çdo banje në det ose në pishinë, trupi duhet të shpëlahet me ujë të pastër. Pas shfaqjes së mykut mbi lëkurë, duhet të ndërpritet plazhi dhe të niset kura. Në raste djegiesh jo të lehta, duhen përdorur antibiotikë dhe xhel “pas diellit”. Në raste djegiesh të thella, rekomandohen edhe preparate në formë xheli. As qëndrimi nën çadër nuk të mbron nga dielli, pasi edhe rëra, edhe gurët rrezatojnë.
Ndërkohë, mbani gjithmonë syze dielli. Ato duhet të jenë të pajisura me lente anti UVA dhe UVB. Veç mbrojtjes së syve, në këtë mënyrë ju do të parandaloni edhe krijimin e rrudhave rreth tyre. Kujtohuni gjithmonë të vendosni kremin e diellit rreth zonës së syve.
Për sa u përket flokëve, mbrojini ata gjithmonë me vajrat e duhur. Është mënyra e vetme që në fund të verës mos ta gjeni veten me flokë të djegur ose të dalë boje (nëse e përdorni). Ndaj është e rëndësishme vendosja e vajrave mbrojtës për flokët; vaji duhet të ketë vetinë të filtrojë rrezet dhe të ketë përbërje silikoni, i cili mbështjell fijen e flokut duke e mbrojtur. Efekti i lagur i vajit do të përshtatej më së miri edhe për flokë të dendur e të pabindur (p.sh. kaçurrelat) duke ruajtur edhe modelin e dëshiruar.
Në fund të ditës mos harroni kremin pas plazhi! Ai është një detaj i rëndësishëm, në fakt një detyrë ndaj lëkurës suaj. Produktet kozmetike të darkës ndihmojnë tonifikimin e lëkurës dhe nëse i kushtoheni pak më shumë vetes me një masazh, muskujt nuk do t’i ndieni të lodhur të nesërmen. Vendosni një masë të mirë kremi në trupin tuaj pa frikë, pasi lëkura do ta përthitë menjëherë; nëse e ndieni të nevojshme ripërsëriteni disa herë.
